Sunday, January 16, 2011

ഭാരതപ്പുഴ കരയുന്നു

                         ഭാരതപ്പുഴ കരയുന്നിപ്പോഴും
                         വറ്റുന്നില്ലച്ചെറ്റുമാ കണ്ണീരിന്നും
                         വിട്ടകന്നില്ല ഞടുക്കമാഹൃത്തില്‍
                         പ്രതിധ്വനിപ്പതാ, ഓളത്തള്ളലില്‍
                 
                         എത്ര കൊതിച്ചും വാത്സല്യ തെളിനീര്‍
                         മുലക്കാമ്പില്‍ ചുരത്തിയും ഒന്നോമ-
                         നിക്കാന്‍ മാത്രമോളപ്പത്തികൈകളാല്‍
                         വാരിയെടുത്തതന്നാ,*യദുവിനെ
                         അറിഞ്ഞതീലാ പുഴ, ക്ഷണമപ്പോള്‍
                         മൃത്യു , തന്‍ കരങ്ങളില്‍ നിന്നും തട്ടി
                         യെടുത്താ കുട്ടിയെ കൊണ്ടു പോമെന്നും
                         
                         മൂകാഭിനയപ്പടുത്വമോടെയ-
                         വനന്നു വിമൂകരാക്കിയേവരേയും
                         നിശ്ചലഭിനയച്ചാരുതയോടെ
                         അവന്‍ നിശ്ചലം കിടന്നമ്മടി-
                         തട്ടിലൊരു മത്സരപ്പങ്കാളി പോലെ.
                         നിറയുന്നു പുഴയിതില്‍ തെളിനീര്‍
                         കൂടിക്കലരുന്നാവോളംകണ്ണുനീര്‍
                         ഹ! പഴിക്കരുതാരുമീ പുഴയെ 
                         നീര്‍മണികളൊഴുക്കിടുന്നു നിള 
                         ആ, വത്സല മാതാവിന്നൊപ്പമിന്നും. 
              
                                      *ഭാരതപ്പുഴയില്‍ മുങ്ങി മരിച്ച
                           ഹയര്‍ സെക്കന്‍ഡറി യുവജനോത്സ
                           വത്തില്‍ മൈം മത്സരത്തിനു പങ്കെടുക്കാ
                           നെത്തിയ യദുകൃഷ്ണനെന്ന പ്ലസ് 2 വിദ്യാര്‍ത്ഥി.
                        
                         
                        




                        

5 comments:

  1. യദു കൃഷ്ണനു ആദരാഞ്ജലികള്‍..

    ReplyDelete
  2. നല്ലൊരു പോസ്റ്റ്..ഒഴിവു കിട്ടുമ്പോള്‍ ഇവിടേക്ക് ഒന്ന് വന്നു നോക്കുക http://www.computric.co.cc/

    ReplyDelete
  3. യദുവിന് ആദരാഞ്ജലി അര്‍പ്പിച്ചു കൊണ്ടുള്ള കവിത നന്നായിട്ടുണ്ട്.

    ReplyDelete
  4. യദുകൃഷ്ണനു ആദരാഞ്ജലികൾ!!

    ReplyDelete

പിണക്കം

അരിയമലർകണ്ണുകളിൽ പരിഭവത്തെളിനീരുതിർന്നു വിറയാർന്നിടുന്നു നാസിക അധരങ്ങൾ കോണുകൾ തേടി മുഖം വെട്ടിത്തിരിച്ചു കമ്പിത ഗാത്ര, പിണക്കത്തിൻ ...