Sunday, April 29, 2012

വിളിയ്ക്കാതെ നീ വന്നപ്പോൾ




ഞാൻ വിളിയ്ക്കാതെയൊരിക്കൽ
നീയെന്നരികിലെത്തും
അന്നു ഞാൻ നിന്നോടൊന്നും
സംസാരിക്കുകയില്ല
കണ്ട ഭാവം കാണിയ്ക്കില്ല
വിളിയ്ക്കാതെ നീയരികിലെത്തും

അധരങ്ങൾ വിറയാർന്നു വിതുമ്പി
അപ്പോൾ ഒരു തുള്ളി കണ്ണു നീർ
നിന്റെ കണ്ണിൽ നിന്നും
താഴേയ്ക്കു പതിക്കും
പിടഞ്ഞിടുമെന്റെ മനമപ്പോൾ
നിന്നോടു മിണ്ടുവാൻ കൊതിക്കും
എന്നാലതിനാകാതെ പോകും

എത്രയെത്ര ദൂരത്തു ഞാൻ
നിന്നിൽ നിന്നകന്നു പോയി
ഒടുവിൽ കണ്ണുകൾ തുടച്ചു
നീ , പിന്തിരിഞ്ഞു നടക്കും
അപ്പോളെന്റെ കല്ലറയിൽ
നീ , വെച്ച പനിനീർ പൂവും
ഞാനും , പിന്നെയും തനിച്ചാകും .

9 comments:

  1. പ്രതീക്ഷകൾക്ക് ജനനവും മരണവും കാലഭേദങ്ങളും ബാധകമല്ല തന്നെ...

    എത്രയെത്ര ദൂരത്തു ഞാൻ
    നിന്നിൽ നിന്നകന്നു പോയി
    ഒടുവിൽ കണ്ണുകൾ തുടച്ചു
    നീ , പിന്തിരിഞ്ഞു നടക്കും
    അപ്പോളെന്റെ കല്ലറയിൽ
    നീ , വെച്ച പനിനീർ പൂവും
    ഞാനും , പിന്നെയും തനിച്ചാകും
    ഹൃദയസ്പർശിയായ വരികൾ

    ReplyDelete
  2. novunarthunna nalla varikal...aashamsakal:)

    ReplyDelete
  3. പിന്നെ എല്ലാം മൌനം...

    ReplyDelete
  4. അപ്പോളെന്റെ കല്ലറയിൽ
    നീ , വെച്ച പനിനീർ പൂവും
    ഞാനും , പിന്നെയും തനിച്ചാകും!

    ReplyDelete
  5. അകലുമ്പോള്‍ അറിയുന്നു വേര്‍പാടിന്റെ വേദന.നന്നായി .അഭിനന്ദനങ്ങള്‍

    ReplyDelete
  6. "നിന്നോടു മിണ്ടുവാൻ കൊതിക്കും
    എന്നാലതിനാകാതെ പോകും"

    ReplyDelete
  7. "അന്നു ഞാൻ നിന്നോടെന്നും"
    നിന്നോടെന്നും എന്നാണോ അതോ നിന്നോടൊന്നും എന്നാണോ ?

    ReplyDelete
    Replies
    1. സുഹൃത്തേ ചുണ്ടികണിച്ച പിശകു തിരുത്തി . നന്ദി

      Delete
  8. നന്നായിരിക്കുന്നു

    ReplyDelete

ഒരു നുണക്കഥയിലെ തിമിംഗലം

ഞാൻ തിമിംഗലം, വഴിതെറ്റി വന്നതാണു് അറ്റ് ലാന്റിലേക്കു ചെല്ലാൻ കടലലകൾ താണ്ടിയും പിശറുകളെ ചെറുത്തും ദിവസങ്ങൾ നീന്തുകയായി അറബിക്കടലിലെത...