Sunday, February 3, 2013

മൂന്നു കവിതകൾ


       വീഴ്ച

താഴ്ന്നു,താഴ്ന്നു പോകുമ്പോൾ
കരകയറാനാകുന്നയൊരു
അഗാധതയെന്നാണു കരുതിയതു്
തിരികെ കയറാനുദ്യമിച്ചപ്പോൾ
അറിയാൻ കഴിഞ്ഞു ,ഒരിക്കലും
കയറിപ്പോകാനാകാത്ത ,നിന്റെ
കണ്ണുകളിലെ , ആഴങ്ങളിലേക്കാണു
ഞാൻ , വീണു പോയതെന്നു്.

  തിരിച്ചറിവു്

ഞാൻ പറയാനാഗ്രഹിച്ചതും
അവൾ ,പറയാൻ മടിച്ചതും
ഒന്നു തന്നെയാണെന്ന
യാഥാർത്ഥ്യം സമയത്തിന്റെ
നീണ്ട , ഇടനാഴിയുടെ
അന്ത്യത്തിലാണു ഞങ്ങൾ
ഒടുവിലായി , തിരിച്ചറിഞ്ഞതു് .

മോതിര വിരൽ

തുരുമ്പു പിടിച്ച സൂചി
അവളുടെ മോതിര വിരലിൽ
 കൊണ്ടതറിഞ്ഞു
ഉത്ക്കണ്ഠയോടെ ഞാൻ
അവളുടെ വിരലിലേക്കു നോക്കി
പണ്ടു മയിൽപ്പിലി തുണ്ടു
പുസ്തക താളിൽ നിന്നെടുത്തു
തന്ന വിരലുകളിലൊന്നാണു്
സ്വർണ്ണച്ചുറ്റായിയൊരു
മോതിരം വിരലിൽ കണ്ടു
ചരിഞ്ഞയക്ഷരത്തിൽ
പേരെഴുതിയ മോതിരം
അതെന്റെ പേരല്ലായിരുന്നു



5 comments:

  1. ചരിഞ്ഞയക്ഷരത്തിൽ
    പേരെഴുതിയ മോതിരം
    അതെന്റെ പേരല്ലായിരുന്നു

    ശുഭാശംസകൾ.......

    ReplyDelete
  2. വൈകിയ തിരിച്ചറിയലുകള്‍ ....

    ReplyDelete
  3. മൂന്ന് കവിതകളും ഇഷ്ടപ്പെട്ടു..
    ആശംസകള്‍...

    ReplyDelete
  4. ഇഷ്ടമായി മൂന്നു കവിതകളും ..ഭാവുകങ്ങള്‍

    ReplyDelete

ഒരു നുണക്കഥയിലെ തിമിംഗലം

ഞാൻ തിമിംഗലം, വഴിതെറ്റി വന്നതാണു് അറ്റ് ലാന്റിലേക്കു ചെല്ലാൻ കടലലകൾ താണ്ടിയും പിശറുകളെ ചെറുത്തും ദിവസങ്ങൾ നീന്തുകയായി അറബിക്കടലിലെത...